لاهور شێخ جەنگی ماوەیەكە دەستی بەگەڕان و بەسەركردنەوەی شارو ناوچەكانی كوردستان كردوە، ئەمەش دەنگۆی دروستبوونی جوڵانەوەیەكی نوێی لەهەرێم دروست كردوە، بەڵام كەسێكی نزیكی هەڵوێستی رەسمی ئاشكرا دەكات.
كەسێكی نزیك بە لاهور شێخ جەنگی تایبەت بەئەنواپرێسی ووت: هەموو ئەو گەڕان و بەسەركردنەوانە پەیوەندی بە گۆڕانكاریەكی نوێوە هەیە لەناوچەكە.
وتیشی: بەڵام ئەوە روون و یەكلاكەرەوەیە كە بەهیچ جۆرێك لاهور شێخ جەنگی حزب دروست ناكات و لەیەكێتی ناترازێت.
ئەو سەرچاوەیە جەختیكردەوە: لای لاهور شێخ جەنگی وایە كە یەكێتی موڵكی هیچ كەس و بنەماڵەو تاقمێك نیە، یەكێتی رێبازی خەبات و تێكۆشانەو ئەبێت لەخزمەتی خەڵك و جەماوەری خەڵكی كوردستان بێت.