بە ئامادەبوونی بەشێك لە كەسوكاری و ژمارەیەك لە ڕۆژنامەنوسان یادی 17 هەمین ساڵیادی شەهیدبوونی سۆران مامە حەمە لەسەر گۆڕەكەی كرایەوە.
كەسوكاری سۆرانی مامەحەمە سەرەڕای نیگەرانیان لە بەرپرسانی حكومەتی ماوەبەسەرچووی هەرێم و دەزگا ئەمنییەكان هیوا خوازن یاسا سەروەر بێت و دادگاكان بێ لایەنانە كەیسی سۆران و سەرجەم كەیسەكانی تر یەكلا بكەنەوە تاكو دادگەری ببێتە هۆكاری ئارامی بۆ ژیانی هاوڵاتیان.
ڕۆژنامەنوسانی هاوڕێی سۆرانیش یەكلانەبوونەوەی كەیسی شەهیدكردنی دەخەنە ئەستۆی حكومەت و پەیامێك بۆ سەرۆكی حكومەتی هەرێم دەنێرن و داوا دەكەن بكەرانی شەهید كردنی سۆرانی مامە حەمە دوای 17 ساڵ بە سزای خۆیان بگەیەنن.