سه‌رچاوه‌یه‌كى ئه‌منى به‌ تایبه‌ت به‌ ئه‌نوا پرێسى وت " ئه‌مرۆ محه‌مه‌د حاجى فایه‌ق به‌رێوه‌به‌رى پۆلیسى گه‌رمیان  و هاوكات ئه‌ندامى سه‌ركردایه‌تى یه‌كێتى بانگ كراوه‌ و پێشنیارى بۆكراوه‌ كه‌ پۆستى به‌رێوه‌به‌رى ئاسایشى گه‌رمیان وه‌ر بگرێت .

سه‌رچاوه‌یه‌كه‌ وتیشى  تائێستا ناوبراو رازى نه‌بووه‌ بۆیه‌ هێشتا ماوه‌ته‌وه‌ و یه‌كلاى نه‌بووه‌ته‌وه‌ , سه‌رچاوه‌كه‌ جه‌ختى كرده‌وه‌ له‌وه‌ى پێده‌چێت رازى بكه‌ن . 

سه‌باره‌ت به‌ هۆكارى دانانى ناوبراو بۆ ئه‌و پۆسته‌ " سه‌رچاوه‌ ئه‌منیه‌كه‌ وتى  له‌به‌ر ئه‌وه‌ى ناوبراو له‌ پۆستى باڵایه‌ و هاوكات ئه‌ندامى سه‌ركردایه‌تى  ئه‌و حزبه‌ , چونكه‌ ئاسایشى گه‌رمیان ده‌سه‌ڵاتى له‌ سنورى پێنج قه‌زایه‌  " كه‌لار و كفرى و ده‌ربه‌ندیخان و خانقین و دووزخورماتوو "

پێشتر ئه‌نوا پرێس ئه‌وه‌ى ئاشكرا كرد  كه‌ هه‌یه‌رك له‌ عه‌قید سه‌ردار مه‌حمود وعه‌مید جه‌لیل كۆكزى سیڤیان بۆ ئه‌و پۆسته‌ پركردوه‌ته‌وه‌ و پێشنیارى ئاسۆى شێخ ته‌هاش بۆ ئه‌و پۆسته‌ كراوه‌ .

ئه‌نوا پرێس  ئه‌وه‌شى زانیوه‌ " ئاسایشى گشتى بۆ هیوا ئه‌حمه‌دو لیوا نه‌وشیروان جێگرى ده‌بێت و ئاسایشى سلێمانیش بۆ عه‌مید سه‌رخێڵ یش ده‌بێت .