ئەمڕۆ چوار شەممە، سەرچاوەیەکی دادوەری رایگەیاند، دادگای فیدرالی سەیری ئەو سکاڵایە دەکات، کە سەبارەت بە هەڵوەشاندنەوەی پەرلەمانی عێراقە.
ئەو سەرچاوەیە بە بەغداد ئەلیەومی راگەیاند، دادگای فیدرالی دەستی بە سەیرکردنی ئەو سکاڵایە کردووە،کە لەلایەن رەوتی سەدرەوە پێشکەشیان کراوە و تیایدا داوای هەڵوەشاندنەوەی پەرلەمان دەکەن.
جێگای ئاماژەیە پێشتر ئەو سكاڵایە لەلایەن رەوتی سەدرەوە پێشکەش بە دادگای فیدرالیی کرابوو، بەڵام رۆژی سێ شەممە، 23ی ئاب، کاتێک خۆپیشاندەرانی سەر بە رەوتی سەدر چوونە بەردەم ئەنجوومەنی باڵای دادوەریی و کارەکانیان پەکخست، ئەو سکاڵایەش لەلایەن دادگاوە سەیرنەکرا.