لەروداوێکی کارەساتباراویدا، کەسێک لەشاری بەغداد دوای کوشتنی براکەی دەستدرێژی دەکاتە سەر برازاکانی کەتەمەنیان لە 15ساڵ کەمترە.
سایتی سۆمەرییە نیوز لەراپۆرتێکیدا چیرۆکی خێزانێکی شاری بەغدادی بڵاوکردوەتەوە و رایگەیاندوە، دوای ئەوەی کەسێک براکەی خۆی دەکوژێت، دەستدرێژی سێکسی دەکاتە سەر هەردو کچی براکەی کە تەمەنیان ناگاتە 15ساڵ.
دایکی منداڵەکان بۆ سایتەکە ئاشکرایکردوە، تاوانبارەکە دوای ئەوەی هاوسەرەکەی کوشتوە و دەستدرێژی سێکسی کردوەتە سەر کچەکانی، هەڕەشەی کوشتنی لێکردون گەر بچنە لای پۆلیس و تاوانەکانی ئاشکرا بکەن.
باسیلەوەشکردوە، جگە لە دەستدرێژی سێکسی، بەشێوازێکی"دڕندانە" ئەشکەنجەی داون، بەو هۆیەوە لەدۆخێکی خراپی دەرونیدا دەژین.
تۆمەتبارەکە تائێستا لەلایەن هێزە ئەمنییەکانەوە دەستگیرنەکراوە و هیچ زانیارییەک لەبارەی ناسنامەکەیەوە ئاشکرانەکراوە.