دوای ئەوەی لاهور شێخ جەنگی پڕۆژەیەكی بەمەبەستی یەك لیستی لایەنە كوردستانیەكان لەناو جێناكۆكەكان خستەڕوو، یەكێتی ترسی لەكەركوك هەیە.
ئەنواپرێس ؛ ئارام مەلا نوری
سەرچاوەیەكی باڵا لەناو یەكێتی بۆ ئەنواپرێس ووتی: یەكێتی زانیویەتی مەبەستی سەرەكی لاهور شێخ جەنگی شاری كەركوكەو دەیەوێت بەلیستێك بەشداری هەڵبژاردنەكانی ئەنجومەنی پارێزگاكان دەكات.
وتیشی: لاهور شێخ جەنگی دەیەوێت زۆرینەی كورسیەكانی كورد لەكەركوك بەدەست بهێنێت، بەڵام ئەوە خەیاڵێكەو ناتوانێت پێی بگات.
ئەو سەرچاوەیە باسی لەوەشكرد: دابەزینی لاهور شێخ جەنگی بەناوی لیستی گەل جگە لەزیان هیچ سودێكی تری نابێت، دەنگەكان دابەش دەكات و لەو نێوەندەشدا دەنگی كورد بەئاسانی لەدەست دەچێت.
لەبارەی دیراسەی یەكێتی بۆ ئەگەری دروستكردنی ئەو لیستە ووتی: بەپێی زانیاریەكانمان لیستەكە لەكەركوك دەبێت و ئامانجی سەرەكی ئەو پارێزگایەیە، ئایا لەچەند رۆژی داهاتوودا چی روودەدات، ئەوە هەمووان چاوەڕوانی كاردانەوەی دروست بوونی لیستەكەن.