بەپێی تازەترین زانیاری، چەندین كۆبونەوەی جیاجیا كراوە ،لەسەر جوڵە گوماناویەكانی لاهور شێخ جەنگی و چاوەڕوانی هەڵوێست و بەرنامەی دەكەن.
سەرچاوەیەكی تایبەت لەناو یەكێتیی نیشتمانی كوردستان بۆ ئەنواپرێس ووتی: لەماوەی ئەم هەفتەیەدا بافڵ جەلال تاڵەبانی سەرۆكی یەكێتی لەگەڵ چەند مەكتەب سیاسی و سەركردایەتیەكی یەكێتی بەجیا لەدەباشان كۆبووەتەوە.
وتیشی: لەئێستادا زانیاری لەسەر جوڵەكانی لاهور شێخ جەنگی و ئەوانەی پەیوەندیان پێیەوە هەیە و ئەوانەی ئەگەری پشتیوانیكردنیان لەسەرە كۆدەكەنەوە.
ئەو سەرچاوەیە باسی لەوەشكرد: گریمانەكان لەناو یەكێتیدا ئاماژە بەوە دەكەن، لاهور شێخ جەنگی قەوارەیەكی سیاسی بۆ هەڵبژاردنەكان ئامادە بكات و هەروەها خۆی وەك فریادەڕەسێكی كێشەكانی هەرێمی كوردستان و یەكێتی پیشانبدات.