میدیا جیهانیەكان بڵاویانكردوەتەوە، یاریزانی یانەی ریاڵ مەدرید و هەڵبژاردەی فەرەنسا، كەریم بنزیمە شایستەی نازناوی باشترین یاریزانی جیهانە بۆ ئەم وەرزە.
رۆژنامەی لكیب بڵاویكردوەتەوە:" بنزیمە ئەوەی پێویست بوو بۆ ریاڵ مەدرید كردویەتی، ئاستێكی باشی نواندوەو چەندین گۆڵی چارەنووسازی كردوە، ئەمە جگە لەوەی دوو نازناوی گەورەی وەكو لیگی ئیسپانیا و جامپیۆنزلیگی بردوەتەوە.
بنزیمە ئەمساڵ 50 گۆڵی تۆماركردوە، كە 44یان بۆ ریاڵ مەدرید بووەو 6یان بۆ هەڵبژاردەی فەرەنسا، هاوكات گۆڵكاری خولی ئیسپانیاو جامپیۆنزلیگ بووە.