ئەتواپرێس- دانیار محەمەد

بەپێی زانیاریەکانی ئەنوا پرێس ، پاش نیوەڕۆی دوێنی دووشەمە لەگەرمیان  هێزی ئۆپراسیۆنی ئاسایش گەرمیان وسلێمانی بۆ دەستگیرکردنی هێزێکی خۆبەخش کە ماوەیەکە لە سنوری گەرمیان دروست بووە چونەتە سەر ماڵی بەرپرسی ئەو هێزە و لەئەنجامدا ڕووبەڕوبونەوە ڕوویداوە  ..

بەپێی زانیاریەکانی ئەنووا پرێس یەکێک لەو خۆبەخشانە کوژراوە کەبەڕەگەز عەرەبە(خ .س) و  دووان لەو هێزە بەناوخۆبەخشە بریندار بووە..

ئەوەش زانراوە ، زۆربەی خۆبەخشانی ئەوهێزە دوێنێ بەماددەی 156ی لە یاسایی سزادانی عیراقی  دەستگیر کراوە و بەشێکی تریان فەرمانی دەستگیرکردنیان هەیە ، بۆیە ئەو هێزانەی هاتوونەتە کەلار بەردەوامن لەگەڕان بەدوای ئەوانی دیکە کە فەرمانی دەستگیرکردنی هەیە..

هەروەها ، دەست بەسەر چەکی زۆر و تایبەت و قورس گیراوە و ئەمڕۆ لێکۆڵینەوە لەگەڵ دەستگیر کراوان کراوە و زۆربەشیان ناسنامەی یەکێتی یان پێیە .و بەردەوامیش سەدانی بەرپرسانی باڵای یەکێتی یان کردوە..

ئەنواپرێس ئەوەشی زانیوە ، لەوانە فەرمانی دەستگیرکردنیان هەیە کەسی دیاری تێدایە کە لەم ماوەیە بەکاریانی هێناوە بۆ بەرژەوەندی ماددیان لە هەڵکوتانە سەر خەڵک و تەعداکردن بەتایبەت لە سنوری نەوجول و خورماتوو  ..

سەرچاوەکەی ئەنوا ئەوەشی ئاشکرا کرد ، سوپای عیراق و حەشد یەکێتی ئاگادار کردوەتەوە،و تەنانەت هەڕەشەشیان کردوە لە کرداری ئەو هێزە لە سنورەکەیان..

بەپێی بەدواداچونی ئەنوا پرێس ، ئەم هێزە لەم ماوەیە لەلایەن کەسایەتی ناوداری ئاینی لە ڕوتێکی شێخ لە هەرێم پاڵپشت و پشتگیر کراون و بەکار هێنراون ، و پێشتریش چەندین کاری هەڵکوتنە سەر خەڵک و کاری نایاسایان ئەنجامداوە لەسنوری خورماو.

ئەنوا پرێس زانیاری وورد و ناوی لایە بەڵام لەبەر دۆخی ئەمنی و تێکچونی زیاتر دۆخەکە بڵاوی نەکردەوە ..